Name: Námskeið fyrir fagaðila - Bjargráðakerfi
Price: 149500 ISK
Availability: InStock

Námskeið fyrir fagaðila

Um námskeiðið

Hér eru upplýsingar varðandi tveggja daga námskeið fyrir fagaðila um Bjargráðakerfið Björgu sem haldið verður 10. og 11. nóvember 2025. Þjálfunin á námskeiðinu í heild sinni telst til 26 stunda; 10 stundir fyrir fjarnámskeið á vegum Skills system og 16 stundir á námskeiðinu sjálfu. Skráning telst staðfest þegar greitt hefur verið fyrir námskeiðsgjald á heimasíðunni. Hvetjum við þátttakendur til að sækja sér styrk hjá stéttarfélagi sínu en að greiðslu lokinni fá þátttakendur senda kvittun frá Bjargráðum ehf í tölvupósti. Þátttakendur á námskeiðinu fá afsláttarkóða fyrir gistingu á Hótel Örk á meðan á námskeiðinu stendur. (Ekki er komið endanlegt tilboð frá Hótel ÖRK varðandi gistingu, mun það verða sett hér inn um leið og það berst). Ekki er þörf á að vera með tölvu á námskeiðinu en gott er að vera með snjallsíma þar sem við hvetjum þátttakendur til að taka þátt með okkur í gegnum Menti og Kahoot sem fer fram í gegnum símann.

Hvað er innifalið í námskeiðsgjaldi?

Fæði meðan á námskeiði stendur; morgunkaffi, hádegismatur og síðdegiskaffi. Upplýsingar varðandi sérþarfir í mataræði sendast á [email protected].

Handbókin The Emotion Regulation Skills System for Cognitively Challenged Clients: A DBT-Informed Approach eftir Julie F. Brown (2015), afhent á fyrsta námskeiðsdegi.

Verkefnahefti sem notað er í vinnu með skjólstæðingum (PDF-skjal og útprentað)

Aðgangur að fjarnámskeiðum á skillssystem.com. Ætlast er til að þátttakendur ljúki þátttöku á fjarnámskeiðum (Hlutar I og II) áður en námskeiðið hefst. Upplýsingar um aðgang koma frá skillssystem.com í tölvupósti í byrjun október. Ef þú finnur ekki tölvupóstinn eða kemst ekki inn á aðganginn geturðu hakað í 'lost your password?' á þessari slóð: https://members.skillssystem.com/login/, og þá færðu sent nýtt lykilorð og ættir þú þá að komast inn á aðganginn. Ef það virkar ekki ekki hafið samband við okkur sem fyrst.

Þýddur texti um Grunnnámskeið Bjargráðakerfisins Bjargar: Þýðing á texta fjarkennslunámskeiðsins Skills Basics (námskeið 1) sem aðgengilegt er á ensku á heimasíðunni Skillssystem.com.

Þýddur texti um Skills Coaching Strategies (námskeið 2) sem aðgengilegt er á ensku á heimasíðunni Skillssystem.com.

Þýddur texti, kafli 8 úr handbók Julie Brown.

Önnur gögn sem tengjast Bjargráðakerfinu, nánar kynnt á námskeiðinu.

Dagskrá námskeiðsins verður birt á heimasíðunni í byrjun október 2025.

Dagskrá á námskeiði

Leiðbeiningar varðandi bókun á hótelherbergi hjá Hótel Örk

Upplýsingar um bókun koma síðar.

Undirbúningur fyrir námskeið

Ætlast er til að þátttakendur ljúki þátttöku á fjarnámskeiðum (hlutar I og II) áður en námskeiðið hefst. Áætlað er að það taki um 8 klst. að taka fjarnámskeiðin; horfa á myndbönd (hægt að hafa íslenskan texta) og svara námsmati þeim tengt (krossaspurningar úr námsefninu í lok hvers myndbands). Hægt er að vinna undirbúninginn á þeim hraða sem hverjum hentar. Ekki er verið að meta árangur á námsmati heldur er það einungis ætlað til að auðvelda þátttakendum að festa upplýsingar í minni og kynnast Bjargráðakerfinu Björgu fyrir námskeiðið.

Fjarnámskeiðin/myndböndin skiptast í tvo hluta: Hluti 1 snýr að því að kenna Bjargráðin níu, og hluti 2 snýr að því að kenna fagaðilum Gildisvirðingu og meginaðferðir Díalektískrar atferlismeðferðar (DAM) við notkun á Bjargráðakerfinu Björgu.

Óskum við eftir því að þátttakendur sendi staðfestingu á bjargrad@bjargradakerfi með staðfestingu á því að fjarnámskeiðum hefur verið lokið. Ýtt er á ‚PRINT YOUR CERTIFICATE‘, skjölin tvö eru vistuð sem PDF-skjöl og síðan send á okkur.